Bw. Elisha Edson Msengi ni mjasiriamali Mwanzilishi, Mwenyekiti na Mkurugenzi Mtendaji wa Buyegi Ventures Limited, kampuni inayomiliki chapa maarufu ya "Buyegi Natural Mineral Water." Aliwahi kuwa Mkurugenzi Mtendaji wa Agora Wood Products Limited (2013–2020), na kusaidia kuikuza kampuni hiyo kutoka shirika jipya hadi kuwa biashara ya ukubwa wa kati. Bw. Msengi ana uzoefu mkubwa wa masuala ya Bodi, akiwa amehudumu kama Mjumbe wa Bodi RECODA – Arusha, African Forestry, Dar es Salaam, na See Ability First International (SAFi), Iringa. Kwa sasa ni Mwenyekiti wa Bodi ya Wadhamini ya Buyegi Trust Fund, shirika linalojitolea kuwawezesha watoto na vijana kupitia elimu endelevu. Bw. Elisha ni Mshauri wa Saikolojia mwenye Shahada ya Kwanza ya Saikolojia ya Ushauri (Daraja la Kwanza) kutoka Chuo Kikuu cha Tumaini, Iringa (2013) na Stashahada ya Juu ya Uhasibu kutoka Taasisi ya Usimamizi wa Fedha (IFM), Dar es Salaam (2005)